كتب الشاعر المبدع عبد الفتاح حسين والي قصيده بعنوان ليه قلبك مليان جحود

ليه قلبِك مليان جحود ليه بتبني دايماً سدود ليه عامله بينك وبين الحب الف حد من الحدود القلب زي الفراشه عاوز يطير من بين الزهور يشم العبير يرسم كلام الحب ما بين السطور صوت كل نبضة ...أغنيه يتغنى بيها ويا الطيور خًلّيتي قلبك قلعه للحروب تايه عن الحب ما بين الدروب قلبك مابيشوفش أبداً شروق ليه حبسه قلبك جوا الغروب قلبك بتهرب منه ...كل القلوب فكي سجن قلبك جربي إسألى عن الحب وقرّبي خلي قلبك يشرب من الحب وإنتي كمان من الحب إشربي نهر الحب مايته احلي من السلسبيل والقمر ح يبقلك ... الصاحب الأصيل والسهر ح يحلالك ... مع الليل الطويل والدنيا ح تبقي ورده في بستان جميل فكري في كلامي وإعقليه الحب ما بين إيديكي إوعي تِهَرّبِيه بقلبك وعقلك إمسكيه لو راح منك الحب عمرك ما ح تلاقيه ****************٢٠٢٢/١٢/٢٩ كلمات/عبد الفتاح حسين والي