كتب الاديب الشاعر السيد علي القن قصيده بعنوان نفسي أشوفك يا امي
.......((( نفسي أشوفك ياأمي ))) ........
نفسي أشوفك تاني ي أما
نفسي أضمك
نفسي اسمع تاني صوتك
نفسي أقولك
اني محتاج لك يا أمي
وإني مشتاق لك
نفسي تخديني ف حضنك
أو تضميني لقلبك
نفسي أداوي بيكي جرحي
و لا أكتب بيكي فرحي
نفسي احكي ليكي تاني
نفسي أشكي لك زماني
نفسي أفضفض بالاماني
واللي ضاع من عمري تاني
ياه يا أمي ياه يا أمي
ياما شلتي عني همي
ياما طمنتي لي قلبي
وياما ريحتي لي روحي
ياه يا أمي ياه يا أمي
ياما لملمتي جروحي
ياما نمت كتير في حجرك
وأنا بأبكي دم قلبي
وأنت ساكته وشايله همي
وأنت شايله الحزن عني
ياه يا أمي ياه يا أمي
نفسي أشوفك تاني جنبي
وأترمي في حضنك ويمك
و أبكي يا أما بين أيديكي
نفسي أفضفض لك واحكي
عن ظروفي و حتي خوفي
ع اللي صابنا بعد منك
من صحابي ومن خلاني
ياه يا أمي ياه يا أمي
كل شئ ضاع ف ثواني
بين فراق الاسره تاني
حتي أفراحي و أمالي
كلها راحت معاكي
و الحنين زاد من لقاكي
و أبتدي قلبي يناديكي
نفسه يفرح تاني بيكي
ياه يا أمي ياه يا أمي
لسه روحي ب تناجيكي
نفسي لو تاني تزوريني
و ف منامي تكلميني
تفرحيني ب قربي منك
و تطمنيني ع اللي ليكي
كلمات الاديب الشاعر.د/ السيد علي القن
تعليقات
إرسال تعليق