كتبت الشاعره المبدعه هاله محمد قصيده بعنوان مكتوب علينا نفترق
قصيدة مكتوب
مكتوب علينا نفترق
والسلوي تحضن ف الدموع
تواسي قلب بيتحرق
عشان صلاه من غير خشوع
والحزن ليل
يشعل فتيل يحرق ف سيل
خد الشموع
والوقت غاب زود عذاب
خلاه ف حالة اكتئاب
ف سكه مقفوله بضباب
ف وش باب مفهوش رجوع
والحب تاه من ايدينا
فتح جراح واهو سابها لينا
خلي البراح طريق ضلام
والعتمه موجوده ف عنينا
وادي الندم ويا الألم
يصرخ بقولة الف اه
ع حب فوتناه
واتظلم
لكن الغباء ينفخ ف نار الكبرياء
يزيد ف قولة الف لاء
ونضل نعتب ع دنيا حالها يزل فينا
سفر الفراق من غير وداع
يقهر ف حب ولا عمره باع
يخنق ف حضن لما اتقهر
ضيق ف سجن مبقاش يساع
واللوم عليه ولا علينا
والذنب عقد واتفرط
والتوبه ع نفس النمط
عايشين نكرر ف الغلط
تايهين والحل ف ايدينا
بقلمي
الشاعره هاله محمد
تعليقات
إرسال تعليق